香港新浪網 MySinaBlog
小馬 | 11th Feb 2008, 00:36 | 日記 | (949 Reads)

唔知係咪因為年三十晚唔記得用蘿袖葉沖涼,
於是乎大年初一就病左。
朝早都冇事架,係去拜年途中晌街度凍左一野,震左一震之後就鼻水狂流,
食晒幸福傷風素都冇用,
結果去到拜年尾站的馬鞍山盆菜之家時己經開始進入昏迷狀態,
本來諗住去到同bb玩同狂影相都頂唔到,
晌人家張梳化度係咁瞓......

好在昏迷前後都食左好多野,hehehe,
好味~
馬鞍山主人家出名有勁多美食招呼大家,
今年亦不負眾望,
盆菜繼續有,亦都有壽司雞翼燒味素翅等美食,
呵呵呵,Well done~

不過食完呢餐之後返到屋企就辛苦囉,
年初二睇完醫生食埋藥都冇乜點好過,
幾日都係又攰又流鼻水,
狂打乞次,我個鼻而家己經甩晒皮,
真係搽咩都補唔返。
仲要我本來己經畫左個msn圖俾大家用,
但我完全冇力埋電腦,
有時間我都要攤晌床度瞓,
結果搞到情人節都黎lu,
再po新年圖真係把鬼咩,哈~

呢兩日少左鼻水,
但覺得好攰冇咩力,
仲有d肚痛0既感覺.....
好啦,睇黎聽日都要去睇多轉醫生先得,
唔係我23號點算啊~~~
我唔要做流鼻鼻新娘啊!