香港新浪網 MySinaBlog
小馬 | 26th May 2010, 12:38 | 痾 about 美美子 | (6060 Reads)

5月15日!
多謝Towngas Avenue借出場地同提供優惠價俾我地搞party!!

之前特登去買咗D PARTY用品,ELMO波都買咗八個,
裝飾完之後就送俾BB/小朋友~

黎,同媽媽影張相先!

喂,Towngas當日提供嘅小食係勁好味呀~~~~~
超正!

登登~~主角出場啦!
(我特登買咗三個生日襟章,等我地一家三口都戴住,
呢,似酒樓擺酒個D迎賓襟花呀!哈哈哈)

呢張相嘅重點,係俾大家睇下小圓山件衫咁啱係有個位放襟花,哈~~

迎咗一陣賓,就開始整曲奇環節啦~
大人細路都參與。

估都估唔到,原來呢個環節唔係最受小朋友歡迎,
竟然最開心嘅係我D姨媽s 呀!
佢地猛話有得整曲奇好好玩,
我話,梗係好玩啦,好玩在唔駛你洗野善後呀嘛。

跟住要用超大力去唧。
唔好講笑,我唧咗兩支之後,
夜晚隻右手開始麻痺。
我仲以為自已中風添呀~(((啋!)))
後尾先醒起晏晝唧曲奇太用力,
跟住成晚一路瞓一路都酸痛住。

响另一面,有BB們嘅小天地。
我買咗D玩具去俾佢地玩。

你睇,卡樂B大個咗幾多!好LADY架~

認得嘛,鬼鼠B是也~

美美都玩埋一份。

好搞笑同好叻嘅卡樂B,搵日再POST佢D相俾大家睇。

我其實仲買咗頂帽俾美美~

喂,呢張影得幾好喎!好似賣廣告,哈~
實情係我周圍去派緊星星餅俾BB們~
梗係,大人有小食,BB們都要準備埋架嘛!

 

過咗一陣,D曲奇焗好啦!

D曲奇,勁好食!!!!!!
之後大家仲有盒可以拎走自已整個D,GOOD~~~

少不了嘅吹蠟蠋環節。但美美呆咗,哈。

應攝影師要求,影咗“結婚照“ 。
但阿囡好不情願咁。=_+

最後梗係要所有B們一齊影張大合照啦!

今次PARTY真係麻煩晒Towngas Avenue,
大家都玩得同食得好開心呀!多謝晒~

====================================
如果大家對响Towngas Avenue度搞party有興趣嘅話,
可以打電話去2367 2710同佢地嘅Event Planner查詢詳情~
另有更多相片响Towngas facebook group內~
====================================

另,大家如有facebook可以add 我個page呀,
我响個面update得密D架~
白痴馬fan page


Next