歡迎立即參加【奧比斯網上籌款達 人】比 賽，發揮您的創意、專長和熱忱，幫助奧比斯籌募在四川大地震後專設的救盲項目，為3,000多名小童檢查視力和配眼鏡。籌款最高和最具人氣的達人可於 2010年4月19至23日前赴中國四川，與奧比斯捐款者一起實地見證奧比斯眼科飛機醫院的救盲行動及當地其他長期防治失明項目。港龍航空將全力贊助得獎 者的來回香港至成都經濟客位機票乙張。

More details: http://www.orbis.org.hk/competition/

好，又好快咁講幾句先~ (點解美美出咗世之後我就變到咁趕咁….=_=)

月曆，我地決定加印啦~
大概十二月中會可以有貨架啦!
到時再update大家其他details啦~
記住唔好問書局D人呀~~~~~佢地唔清楚架，你問我啦~~~~ ^O^

Schedule book，真係唔出啦，
因為實在太遲，
大家都買好晒新一年嘅schedule book,
而家先出分分鐘責貨的~

揮春 and 利是封，
(((((((((  我會出~~ ))))))))
大家而家可以開始幫小編一齊咁鞭韃我啦，
你知啦，鞭得黎都差唔多時辰啦，哈哈哈~~~~

然後又到我廢噏幾句時間，
呀~~~~~~~~~~~~
我頂唔住啦~~~~~
我真係要開始好認真考慮下係咪要請個工人姐姐幫手先得…….
好辛苦呀，
而家係每日一開始就要招呼美美到夜晚佢瞓，
全日就係餵奶搽cream(佢有濕疹，要隔幾個鐘就搽一次）
又要陪下佢玩，（有時想靜靜自已做一陣野就開baby TV俾佢睇，但係始終唔想佢睇咁多電視嘛..=_=)
而家開始要餵固體仲衰，
佢仲要除咗奶之外乜都唔肯食，
淨係糊仔先叫做勉強俾你餵到就嗒兩啖咁…….
唉，我每日都要同佢搏鬥咁，
搞成粒鐘都可以先食到細細細半碗……
好沮喪~~~~~~~~~~~~
邊有BB唔鐘意食野呀!!!
人地D BB一試蘋果香蕉呢D就勁鐘意食，
美美就係眯實個咀唔俾你餵，
塞到入去佢都用條脷頂返出黎，
食糊食粥仔仲BOO返出黎添!
次次我都由好聲好氣餵到最後勞鬼氣鬼殺咁~~~~~~~
天呀~~~~~~~~~~~~~~~~~~~~~~~

跟住夜晚到佢瞓咗又要洗奶樽洗紗巾摺衫執返整齊間屋，
搞掂晒自已沖埋涼都成點幾兩點。
坐底開始做自已野又做到成四五點，
然後第二朝九點又要起身餵奶開始第二日…….(最近美美仲早咗肚餓，八點就起身添…=_=)
長期咁落去真係唔掂，
我真係要好認真諗下係咪要請個人，
起碼我可以淨係埋去陪佢玩，
又或者餵佢食完野我都唔駛又要返去洗碗洗煲，
咁可以多返D時間做野……
不過真係要請都要搬咗先啦，
豆腐潤之家仲點住到多個人……….(((((( 唉 )))))))
=============================================================

美美而家坐車仔坐得好招積啦~ ^O^

睇緊媽媽本大作中…

“有咩咁好睇啫？”

“媽媽，把幾嘅~~~~~~~”

美美呢幾日病咗，
哇，我真係攰到癲咗~~
個晚餵完佢食藥見佢退咗燒諗住搞掂啦。
然後自已做野做到四點半諗住去瞓，
臨瞓前摸摸佢，
咦？又燒過？
即刻餵佢食藥，
點知佢食食下嘔，（＝＿＝唔係病到嘔，係因為一飲到啖藥佢反胃….頂!)
成床成被到係~~~~~
天呀~~~
結果我清晨五點幾响度洗衫，
再抱住因為鼻塞而扭計嘅佢瞓下醒下咁到第二朝去睇醫生，
然後又係全日冇得瞓……
好辛苦…..

低燒中，仲識得玩同笑~

你睇佢幾精，
眯實個咀唔俾你餵~

|
死都唔肯開口，錬都唔開！
係咪好似阿麗妃迫賢妃飲滑胎藥咁？kakakakaakak

再眯得實D！

D BB原來係會成日捽甩個退熱貼的，
於是……我唯有縛實佢…
kakakkakakakakaka…
壽司師傅呀~~~~~~~

Ta Da~~~~
幫Towngas做咗本關於明火煮食嘅小冊子，
已經可以响Towngas Customer Centre 同Towngas Avenue度攞到啦~

另有網上版，可以去：
http://www.towngasappliance.com/chi/pages/kldgnothers/FcTheory.aspx
又或於facebook都可以睇到：
http://www.facebook.com/TowngasAppliance
(睇完可以留下comment，又或者高興就俾隻手指公囉，哈哈哈~~)

「撒亞人生於這個地方，稱呼叫蜈蜙~~~~~~~」


凍咗dd，阿媽媽已經姣tun　tun要幫我戴帽~~~~



個樣又大個女咗啊~~~ *v*





好鐘意玩婆婆買嘅車車~~


今晚會好凍，媽媽將我變身成美美皇后!


哈!!!!响包被嘅支撐下，我可以自己坐喎!!!!!

今次終於食到我想試好耐好耐嘅Awfully Chocolate啦!!!!
次次睇完雜誌介紹都想食，
但次次都懶去搵。
今日終於的起心肝買黎試!!
要咗Chocolate Banana Cake，
我覺得好好食啊~~
佢個樣咁「漿」但一d都唔「漏」喎，
我咁怕甜嘅都冇問題~正!
不過如果可以再苦多dd就更good！！！！
我地呢個係即買嘅6"cake, $198.
8" size要預再一日訂~~

飲食情報：Awfully Chocolate, 銅鑼灣希慎道2-4號蟾宮大廈地下15號舖.

=====================================================

嘻~~~
買咗個思思縮扒嘅環保袋~
超鐘意呀~~

$13咋!!! 係扮返佢自己個膠袋架，哈哈~~
質地仲幾厚身，
靚過晒街邊賣$10個d呀!!!!!
不過個日買呢隻綠色得返一個咋!!!!
雖然其他色都好靚，（淺粉紅色我都好鐘意~~ *u*)
但買返同膠袋一樣色再拎出街買超市野先過癮嘛~~~ (無聊~~~呵呵~~)
我想買多兩個添呀，
買得多野時拎住幾袋咁好正啊~~~~

馬媽媽見到都想要，
不停叫我幫佢買個，
仲指定都係要返呢隻綠色，其他色唔要,(佢都認得係扮膠袋，哈)
馬媽媽都幾識貨!!

乜朱古力手指餅出咗橙味呀??
我好鐘意食橙味古古力餅架!!!正~~~

天氣凍，摷返之前又係上網買落俾美美嘅背心褸~~

仲可以兩面著架~~~~
反轉咗個背面係咁~~~
雖然仲係好大件，
但俾美美當被仔come下都好，hehe~

首先想問問大家，
去澳門而家有咩好食好去？
哈哈，係呀，我地準備帶美美子出門呀~~
好緊張呀~~
所以大家有咩好食嘅地方就提議下啦~
不過我地係一行十幾人，
最好係d坐得比較舒服同適合BB去嘅地方啦~
呀，仲有仲有，好想食buffet，
有冇邊間好食呀~~~~
有好介紹留言黎呢喂~~~
====================================================================
美美的新寵~

為表示我地好friend，要咬啖先!

美美紥到辮呀~~~~
似唔似怪獸公司個細路女呀`~~~~~hohohohohoho~~

我最鐘意呢張~~~ ^3^

同場加映：
响H&M見到條好靚嘅裙仔，
即刻買咗條歲幾嘅size俾美美出年去小Con婚禮~~~~
搵黎大明星卡樂b幫我試著先~~~~

好靚啊~~~~

仲買定埋件外套仔，正~~

題外話，
卡樂B出咗幾隻牙仔，
但上面剩係出咗一隻，
佢笑起上黎好似Halloween D南瓜個口呀~~~
Arhahahahahahahaahahhahahahahahahahahaahhaha…
勁得意呀!!!!

===============================================================

Hahahahahahahahahahahahahahahahahahaha...
多謝Nestle嘅Sponsor呀~~~~~
真係收到成籃野好難唔high~~~
好多Gerber Baby food呀~~~
我一路都好期待美美進入食固體嘅階段，
而家美美黎緊可以慢慢試齊咁多款味啦~~~YEAH!!!
(我自己都好想試下d果汁哦，呵呵呵呵呵~~~)



食糊仔video:http://www.youtube.com/watch?v=sdZA7OCwsKc

=====================================================================
同埋加映卡樂b食星星餅!
星星餅係佢嘅至愛，
更加係卡樂媽嘅秘密武器，哈哈~
佢識得自己打開星星餅個罐再拎d餅出黎食啦!!俾十個叻你!

好耐冇post卡樂B啦，
佢剛滿一歲啦!
識得自己企同行一兩步，
識講papa mama爺爺麻麻等字，
好勁呀你!!
同佢講tongue會伸脷，
講Kicking佢會踢腳，
講bellybutton會指自己肚臍，（不過有次佢指自己個zone俾我睇，笑屎我~~~kakakakaka)
仲識好多字....好厲害!
卡樂媽，真係辛苦你啦，你做得好好呀~~~(咁要多d去買衫獎勵下自己啦~~hehehehehe)

美美五個月大啦~~~~~~~ ^O^

又一個月!
時間真係過得超快，
睇返美美出世時個樣同而家真係爭好遠。
望住佢日日唔同，
既想d日子唔好過得咁快俾我再仔細咁enjoy下之餘又好想快d睇到佢下一個轉變，
實在太予盾啦~~~~~~ ^O^

全職湊B真係好開心，
仲係一件好幸福嘅事，
香港地個個都要搵食，
好多媽媽好想全職湊都身不由己，
所以我都好慶幸自己嘅工作性質容許我可以湊B,
(當然如果可以中埋六合彩連野都唔駛做，dry湊就更更更更更幸福啦!kakaka….）
所以我又係個句，
如果真係經濟許何，
不訪生返個。
係就係痾咗出黎之後嘅責任重大，
但係當中嘅片段真係記一世~
我成日都覺得，
有小朋友先係一個「家」，
你幾時有聽講「一家兩口」？
最少都要「一家三口」啦~ ^.^

講返美美子，
佢而家多咗講野，
仲講大聲咗好多~
成日好嘈，
就係嗌我同馬媽媽陪佢玩，哈~
而家仲識玩脷，
見親人就又伸脷又甜笑，
成日同馬爸爸玩到鬼咁開心~
馬媽媽就梗加唔駛講係日日都俾佢冧屎咗~~~

而家佢識得伸手mun方圓幾里內可觸及嘅野，
平時佢瞓大床時我地會用放d cushion响牆度以免佢個頭撞親，
而家佢瞓醒竟然會自己伸手mun走d cushion!!!!!!
仲有換片時會同我搶尿片，
抱佢時會扯我地d頸皮同頭髮，
食奶時又會mun走紗巾等等等….=_+

不過佢真係好乖架，
朝早小圓山返咗工我同佢响大床一齊瞓時，
好多時醒咗佢都係自己玩腳仔同E E lur lur自己講野，
唔會喊唔會扭計嘈住我瞓，Very GOOD!
不過係有時會伸手where我同摵我塊面囉….痛!
美美係乖到連馬媽媽成日話唔好當面讚bb嘅都忍唔住係咁話佢好乖~

不過係餵奶勞氣d囉，
佢而家唔會嗌or喊話要食奶，
係我地定時定候咁餵佢。
但係每次開始都要同佢搏鬥一輪，
佢一定係將個頭擰黎擰去，
一係就將個奶咀「妹」下「妹」下咁唔願食，
搞好耐成條紗巾都濕晒先肯開始，
你以為佢唔肚餓咩？
錯晒!
佢一開始食就會食得晒成支奶，
食完你拎走奶樽佢又會嘈，嫌唔夠食咁!
%^$#&&*%&$^#@$
真係俾佢激死…
希望佢遲d開始食固糊仔會好d啦…
=================================================================

美美扮０靚模~

美美與鬼鼠B!

佢開始作出牙咁款，
成日流口水同咬野，
你睇佢咬個牙膠咬得幾肉緊!

偷用媽媽隻夾嘅美美~~

成日玩伸脷！

反而擒晚同毛毛佢地一齊去Times食飯，
本來係想食California Pizza嘅，
點只冇位，
一路落樓睇下邊間有位，
就俾我見到開咗間新打邊爐，
仲寫住係阿蘇推介添….
望下裏面好似地方好闊落咁，
於是就決定食佢!! YEAH YEAH YEAH!!!

喂，地方好good喎！
都未見過有地方打邊爐係咁鬆動嘅，
枱同枱之間都好有距離，
唔會椅貼椅咁，
好good呀!!!!
成間野唔會大煙之餘又唔駛驚侍應行出行整親美美，gooooooood！！

d牛幾好食呀，
牛粒最正~~~好好味!!!
其餘嘅普普通通啦，
我地冇叫海鮮個d，
都只係叫個菜藍，
嗌下丸同餃同烏冬咁食下。
不過埋單五個人食，都要$220一位。
係d牛貴d，其餘食物唔平但又唔太過份貴，
不過响得Times食飯都預咗要咁上下，
所以都覺得ok。
嘻，根本係有得打邊爐我就咩都ok……kekekekekeekekekkekekeke

喂！不過呢度原來9:30pm後有折架~
好似咩全部食物六折咁呀？我都冇望清楚，
但係就知9:30pm後好多人等囉，
所以大家有興趣可以問下9:30個轉有冇得book枱啦~

地址 :銅鑼灣勿地臣街1號時代廣場食通天11樓1101號舖
電話 : 3102 9363

唉，我都唔想成日唔po野，
但係我又唔想次次大家都只係見到美美d相，
咪諗住畫埋野先一齊post囉，
結果就成日等埋d畫就搞到好遲都冇野post….=O=

好啦，我要答返下大家d問題先：

１）Adobe video
個個都話我畫得好勁呀好快呀神乎奇技咁呀，
喂，我唔記得同大家講，
段片係tune快咗好多好多架~!
因為個video最主要係想俾大家睇下新features，
所以畫野個部份我就盡量縮短佢等大家唔好睇咁悶咁，
去到用個d新功能我先轉返做常速，
所以大家唔駛再話我好勁咁啦，哈哈~
如果我真係可以畫得咁快就唔會成日都咁遲先畫到野啦! hahahaha….

２）有網友問我成日响邊度online shopping?
其實我買黎買去都係個一兩間架咋，
我d麵包超人就多數幫襯BB麵包館，
我唔係去開好多online　shop，
但so　far我見過嘅online shop 同街舖黎講佢d麵包超人都算平d，
所以我都成日幫襯~ ^O^

３）關於月曆
拿，老實講，今次個月曆我係响非常趕嘅情況之下畫的，
所以你問我，我唔係完全滿意，
不過响有限時間之下我都儘量畫架啦，
始終我其實唔鐘意翻用舊圖，
所以我都盡我所能咁畫過晒架啦….
售賣地點據我所知係大部份有賣我product嘅書局都會有售嘅，
至於確實時間就要再等confirm，
但係印就印緊架啦~ ^O^

好，寫住咁多先，
要去餵美美食野食，
有咩我未答請留言，
跟住我再响度寫埋啦~

按圖可放大~

有日响床度典時諗到咁畫，
我都唔知點解，
總之就係想畫office有燒味……
定鹵味？（奸笑~)

呢幾日好沉淪於facebook嘅Cafe World, haha…
簡直癲咗，
長開住，係咁煮….
我仲計好，
落街就煮1hr熟嘅野，
餵奶就煮15mins嘅，
同美美沖涼就煮落30mins嘅餸~~
真係玩到心都創晒呀~~~~~
頭先食咗雪糕後肚痛，
我都忍到等埋個沙律整好，
再煮落cocktail先去厠所!!
哇哈哈哈哈哈哈~~~~
我真係癲架~~~
我要墮落起上黎真係冇人阻止到我~~~~~~
yeah！！
我嘅目標係全間cafe要整落地玻璃窗!!!! YEAHYEAHYEAHYEAHYEAH~~

死啦，第時美美大咗，
我要匿埋沉淪先得，hohoho….

==========================================================
跟住又係我逼你睇我個囡時間~

要申請證件呀，影張相先啦~
不過個頭好亂….

撥咗頭髮，覺唔覺得我個樣又唔同d呢~

最近我最鐘意玩嘅野—我隻腳~~~

好一大Kai屎忽~!!!!!真係睇到人好肉緊!

我地私家地盤~
*本相片重點推介，肥豬脾!!!<–好有口感!! ^O^

唔……又有人上網買野…..

買咗張話4-5 人坐嘅𥱊，
原來係大張到搞個爬行比賽都仲得. =_=

手指麵包超人，
放定响袋，就唔怕唔記得帶玩具出街時冇野liu美美，哈哈~

佢都ok欣賞喎~~~~